Rui Totoka

E rui totoka dina na cila ni vula
Vakanomodi o vuravura lei
Soli dina tu na draki ni vakacegu
Lutu tu na tegu nisa buto

Dabe voli kau dagava
Totoka dina na bogi oqo
Kalokalo ni yakavi
Ra lera cila serau tu

Au qai mai tatadrataki iko voli
Kau taroga seko tu li evei
Meu tubera na ligamu ka gadi yani
Ka raviti iko voli ga

Au qai diva kea dina
Meu bau raica tale madaga
Na matamu dau serau
Vaka na vula mai lagi
(Repeat)

Au vakasarava na vuso ni ua
E taliva ni cilava ko vula
Vorolaka tu na vakanomodi
E kuria tu na galili

Manumanu sere voli
Au vaka isaisa tu eke
Sa na sega tale beka
Au mai gagano wale tu

Toso tu na bogi sa dromu ko vula
Sa vaka na nomu drotaki au
Kalokalo walega ra cila voli
Mai tuberi au nisa buto

Tagi voli na yaloqu
Ko sega madaga ni bau kauwai
Au mosita nomu yali
Vaka na dromu ni vula

Print Friendly

Leave a Reply

You can use these HTML tags

<a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>