Recent Sigidrigi Songs

Ko Ira na vuda

Ko ira na vuda meu tukuni ira
Ena nodra lako mai Sauca Aferika
I sa ko Verata nodra koro dina
Na batini drano levu mai Taqaniika

Lutunasobasoba e liutaki ira
Ena nodra lako mai Sauca Aferika
Vata kei Nai oqori na watina
Marama ni ceva dina mai Ijipita

Lutunasobasoba e lima na luvena
Era kawa turaga tu vei keda
Dua walega na luvena yalewa
O Buisavulu e tiko mai Bureta

Ko Rokomautu e tiko mai Verata
Ro Melasiga mai Burebasaga
Ko Tui Nayavu mai Batiki raraba
Ko Daunisai e tiko mai Kabara

Vuni nodra lako mai Taqaniika
Ena mate lila levu e tauvi ira
Ra soko sivita na wasa Atalanitika
Ra qara vanua ena wasa Pasifika

Sa labati ira e dua na cagilaba
Era tiko leqaleqa e lomani wasa
Na Kaunitoni vata kei na Duibana
Na Kaunitera na yacani nodra waqa

Tagi mate o Lutunasobasoba
Isa noqu kawa era sa vakaloloma
Noqu kato vatu dina sa mai tasova
Rau lutu vata kei na kena i vola

Print Friendly

4 comments to Ko Ira na vuda

Leave a Reply

You can use these HTML tags

<a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>