Recent Posts

Au sa tatau

2018 na yabaki Au dau vakananuma
Au vosa yalayala kina e matamu Meu nomu bobula
Daru vauci tu vakamatanitu, lotu kei na vanua
Maroroya dei na dina e utoqu
Ka dredre meu biuta

Ko tubera yani na nomu yaqona, noqu lomani vale
Mo laki vakaraitaka na lomamu, lei noqu tagane
Ko ciqomi mai ena marau, saumi na gagadre
Na salusalu ni vuvale totoka, e soli mai cake

Ko qasenivuli voli daulomani,ko mani lesi sara
Ki Moto Ba mona laki veiqaravi,tawa guilecava
Valenibula meu vakavakarau, vei rau na drua
Tekivu luluqa kina nai sema, daru a vauca

Oti e dua na vula neitou sasaga, vakabulabula
Talevoni ko tukuna mo kauti keitou yani ki Ba
Qeqera malua na uca ni yali ka Rui batabata
Na lasu kei na vakaulubale, ko sa vakatara

Veika ko vunia e mataqu yaco meu sa kila
Ko buluta voli sobo mei cavai ena ceburaki ga
Ko sa wasea tani na nomu dodomo,vei kequi karua
Buwawa e matamu na matadratou na luvemu Dina

Cava beka noqu cala vei iko,isa sekonaia
Mo sauma lesu tu ena lasa, voroki noqu dina
Wainimataqu Au kania lo voli,ka drodro malua
Niu nanumi iratou na lailai,Au dau mosita

Au sa tatau meu sana suka lesu
Ka qaravi iratou na luvequ
Maia, pa, faith kei ataliyah
I Sauni taro cava beka meu sauma
Ke ratou mani mai tarogi iko
Ni ratou sa matua

Print Friendly, PDF & Email

Leave a Reply

You can use these HTML tags

<a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>