Recent Posts

Au biuta

Au biuta na noqu i vola
Ciri yani e loma ni toba
Kasa sara mai nomu vanua
Kubulau Navatu mai Bua

Dua vinaka ga na macawa
Na ciri voli ni noqu tavaya
Kauti koya tu na kui ni wasa
Ki ligamu mo laki dolava

Saumi lesu noqui vola
Ko a kaya ni ko sa ciqoma
Emele Vueta qai karona
Me yacova ni daru na sota

Yabaki tolu
Au qai yaco yani
Me vaka ko vola yani
Meu raici iko daulomani
Kei na nomu mata veiwekani

Vei tinamu
Niu qai taro yani
Niu liaca ni ko sa yali
Saumi mai ena domo ni tagi
O noqu lewa esa vakawati

Solo
Meu cavai na veidomoni
Ni ko vakanadakuya seni rosi
Au lesu ki noqu vanua
Sa ca vei au na noqu bula

Isa tau mo qai laki tukuna
Vei koya nomu ulumatua
Niu qalo wasa mai ena vukuna
Loloma levu vei noqu karua

Niu qalo wasa mai ena vukuna
Loloma levu vei noqu karua

Niu qalo wasa mai ena vukuna
Loloma levu vei noqu karua

Niu qalo wasa mai ena vukuna
Loloma levu vei noqu karua

Print Friendly, PDF & Email

Leave a Reply

You can use these HTML tags

<a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>