Wainidiva

Nai tutuvi ni veituberi
Cereki tani vakadua
Meu muria na yaloqu
kei na noqu nanuma
Ni sa totolo mai vei au
Na vere kei vuravura
Niu a dodomo vei Mosese
Ciri yawa lei ko Rotuma

E yagoqu au sa cala
Na yaloqu e sa dina
Noqu tagane au a domona
Sa vauci oti tu kina
Au tovolea meu levea
Rui dredre dina vei au
Au sa cereka ga na i tutuvi
Me keirau sa dua bau

chrs
Na noqu wainidiva
Mai vakawaicalataka
Na utoqu na dodomo
Sa butobuto noqu sala
Au tovolea meu yalomatua
Me na rawa niu cabe bula
Sa bera e sa sota
Na bici kei na kenai ula

Na veidomoni i vunivuni
Sa mai vakavotukana
Dua na luvedaru
Sa i Patricia na yacana
Noqu tagane yalovinaka
Mo yalayala mada vei au
Ni na toso na veiyabaki
Ko na dau nanumi keirau

E nai vola talevoni
Daru a tekivu kina
Isa sobo ko Vatukoula
Au na dau vakananuma
Mosese i noqu Tagane
Keirau sa loloma tu yani
Ko i au kei na luvemu
Keirau na veitinani

Chrs

Print Friendly, PDF & Email

Leave a Reply

You can use these HTML tags

<a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>