Sau ka ni koro turaga
Vaka ki delana
Mudrevi cagi tu
Irova sobu tu na wasawasa
Na veivunikau e volita
Korovou e ravita no
Era viribaita vakamatau
Na lewe ni koro oqo
Gadrevi tu na loloma
Loloma wale ga
Au bau curuma na koro
Ka vakataroga
Ni so era lagasere
So era kacikacivi yalodra
E sega na nodra galala
Ni bula ena vuravura qo
Ni vauci ka bikai nodra mona
Vei leqa duidui eso
Liga ni veiqaravi ra soli bula tu
Duidui na nodra leqa, na curu eke
Ra sucu kaya mai, so era moku ni yalowai
Kei ira kece era laba, era vakadikevi tale ga
Ke kune ni leqa na qavokavoka,
Ra sana curu e kea
Na kedra I wiliwili sa tubu tiko ga
Ra lewe levu sara
Ra tiko kina
Kania nai duvani, se maruana ra dau kaya
E sega nodra veimataka
NI bula vaka ga me sa cava
Na kena I kuri ni sega na weka e kauwai vei ira
Vakaloloma dina ni ra nakita ga
Vakavinavinaka
Niu mai raica
Vei ira na veiqaravi
Ra yalo dina ni qaravi ira
E so e sega na tikidra
E loma ni nodra vale dina
Ra sa qai vakatikitikitaki
Eke ra sa mai lomani
Qoroya na loloma
Vuvale vata ga
Leave a Reply