Noqu dodomo

Noqu dodomo sa yali vei au
Ni tawa tukuni na mosi ni yalo e mai tarai au
Vaka ga me’u mai ciri voli e loma ni wasa titobu
Ka kuitaki yani ki vanua lala se vaka na siga e sala

Rui ka mosimosi vei au mo kila
Ni nomu mai gole oqori kila au leqa vaka ca
Au kaya me’u guilecava ni levu na ika e wasa
Io vei au e sega ni rawa ni’u domoni iko lei Kara

Dodomo sa mai kau tani na dina sa mai vorolaki
Sa mai sevi tani ‘o Adi au biu tu me’u luve ni yali
Osobo e sa na sega tale beka ni’u na raici iko I lewa
Mosi vei au nomu lako ko dau vakareki ni yalo

Tukuni mai Cakau ko kena senikau
Au lesi ki Nasavusavu ki na nomu koro ni vasu
Mai leqa voli na lomaqu ni sa rui yawa ‘o Kadavu
Na talevoni e taqiri au ciqoma sa tawa na matamu Adi

Nomu I vola au ciqoma ka’u vakataroga
Sa kunei na vakaloloma na I vacu ‘o dau vosota
Au cuva galugalu ga ka’u vakananuma na vosa
Sa dina beka na nodra I vosavosa na bilo e sa mai tasova

Bula e veilecayaki e na vuravura ni yali
Sa mai sevi tani ‘o Adi au biu tu me’u luve ni yali
Osobo e sa na sega tale beka ni’u na raici iko I lewa
Mosi vei au nomu lako ko dau vakareki ni yalo