Recent Sigidrigi Songs

Recent Gospel Songs

Na kakavorovoro

Na kakavorovoro ni utoqu
Ko cei me na mei semasemata
Niu sa kavoro sara vakaca
Kau sa mavoa dina

Yaloqu e bikai ena rarawa
Yaluma kau tini ena tagi
Isa au vakalolomataki
Ena noqu mai lasutaki

Yabaki duwa ciwa ciwa ciwa
Sa cadra na vula o Jiulai
Keirau sota kina mai Nadi
Na sota ea sega ni tadrai

Veikilai au rui mosita
Niu solia kece kina noqu dina
Noqu dina sa mai sevataki
Niu a domona na tagane vakawati

Na lasu sa vakaiyanaqa
Na lasu levu au mai soatava
Na lasau sa vakaitamera
Mai vuna tu na noqu leqa

E mai lasutaka ni sega ni vakawati
Ka mai cakitaki iratou na veitinani
Isa Tamai Lili
Bau vacava tu na veivakalolomataki

Nasukamai nomu delaniyavu
Ena yasana levu ko Ra
E Suva ko ni cakacaka kina
Esava ka mo vosota sara

Mo vosota kena mai lagati
Ka sa rauta me mai seretaki
Me kila o Viti raraba
Na itovo dukaduka ko cakava

Mai vale veirau na noqu qase
Rau marautaka dina sara
Nomu curu sara mai lomani vale
Ka mo sa mai vakaraitaka

Ko sa vinakati au meu watimu
Ka meu sa lai tinani nomu kawa
Keimami sega sara ni tadra
Na veivakalialiai ko cakava

Ko mai tatau mo laki vavalagi
Mo laki vuli macawa va kina
Na ilulubale ko mai tukuna
E sega sara ni kali na kena dina

Ia e muri sa qai matata mai
Ni ko laki sikova nomu vakamau
Tinadratou na luvemu lewe tolu
Ko mai cakitaka voli vei au

Print Friendly, PDF & Email

Leave a Reply

You can use these HTML tags

<a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>