Ena loma ga

E na loma ga ni nomudrau vuvale lomani
Au dau vakcegui ena leqa kece ga
Ni tu nai sema maroroi voli ga
Tou veiwekani ka semati vaka dra
Niu vasu ki vanua Nawa

Na nomudrau dau tiko au yalo dei
Veiyalani sega ni vaka melei
Yaloyalo vinaka ko kena I taukei
Yalo sa vaka dau veivukei
E dredre na kena kunei

Bridge
Au dau vaka vodoki voli
Vuabale tu na veiciqomi
Se veigagadre kece sara keitou saga
Sega ni dau yali e kea

Nomudrau dui cakacaka meu tukuna
Lewe ni matai valu ni nodatou vanua
Kei tinadrautou na gone e qasenivuli
Kalougata ga se me cagi muri,
Ka cagi donu tu na veisusugi

Tolu na bui ni ika taqa e tabamu
Cakacaka ena yalo dina kei na yavu
Ko qarava na I lavo ni mataivalu
Vakarua ga nomu volita
Na vuravura da lewena

Bridge

Meu cavu yaca ki na matavuvale
Apenisa kei Raijeli bula tale
Kei ratou na gone isa me bau wilika
Seinimili ena Leba o Laisa
Joseva na kenai kalima

Repeat Bridge

Print Friendly

Leave a Reply

You can use these HTML tags

<a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>