Recent Sigidrigi Songs

Recent Gospel Songs

Bula dredre

Bula dredre au sotava
Yaco meu sa qai kila
Niu duidui mai vei iratou
Sega niu lewe ni vuvale ya
Balavu dina na gauna
Ni neitou tu vata mai
Na vosa ni cudru
Me mai tamusuka,
Ka vuna na noqu kilai

Rui kabukabu tabogo
Na veika e baleti au
Ni veisusu au a sotava
E sega ni mai vei tamaqu kei nau
Na dina e a vunitaki
Sa voto e lauti au
Na kena momosi au mai vakila
Niu yalani mai vei kemudrau

Ciqoma nai tukutuku
Ni vei-vosaki koya
Au gole vakatikitiki
Meu vunitaka noqu rarawa
Dabe e batini wai
Na taro e roro tu mai
Rau tiko e vei ko tamaqu kei Nau
Isa ke rawa me bau kilai

Vakasarava na drodro
Ni wai ena tobu koya
Kau vakila ni tarai au
Na kena cagi e batabata
Vaka ga na turu se droro
Ni wai ni mataqu ki ra
Na vei vosa mosi e tau kau rogoca
Sa vuna meu velavela

Au sa na ia, ka lesu
Ia meu na lesu tu ki vei
Se meu na laki karoni
Ka maroroi e ligai cei
Na manumanu ra lomani
Vei ira na kedrai taukei
Au mai biliraki e tuba
Meu yali, meu ciri ka vakasesei

Au sa ciqoma na veika
Au mai sota kaya eke
Na noqu vakaloloma
E vakaevei na kena dede
Vinaka na veisusugi
Tou sotava na kena dredre
Au sa gole me u qara bula
Ni u sa sega niu qai ciqoma e ke (repeat)

Print Friendly

Leave a Reply

You can use these HTML tags

<a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>