Recent Sigidrigi Songs

Recent Posts

BOGI NI LOTULEVU

Bogi ni Lotulevu me biu ko Suva
Me’u sokota na loma ni wasa bula
Me’u vodoka na vana rua
Kele Yani ena siga ka dua
Mai Yale na nomuni vanua

Na veiqaravi e liu tau mada
Qaloqalovi sevusevu kece sara
Qoroqoro tu ena’i tovo ni lasa
Mai vei ira kecekece sara
Na Mata timi ni Nabua na yacana

Neimami soqo na ka lagilagi
Salusalu era Taubena yani
Salusalu vono ni ucu i matari
Era taubena tu na vulagi
Kenai divi ni dau lutu na yakavi

Veitalatala na ka rarawa
Ni donumaka na siga ni turaga
Au diva tu ke a sega tara
Ke bau dua na soqo vinaka
Mai Yale na vanua turaga

Ni sa moce mai Yale raraba
Bua ni Nabua e vakalasalasa
Na i loloma levu tawayalani rawa
Vei kemuni kecekece sara
Na mata timi ni Nabua raraba

Print Friendly, PDF & Email

1 comment to BOGI NI LOTULEVU

  • Knox

    Sa Baleti Au ga – Senidawadawa Serenaders

    Sa baleti au ga noqu dodomo tu
    Mai vakacalai au na kemu i rairai
    Au sega ni kila ni ko sa vauci oti tu
    Ko vunitaka voli isa buna au mai rawai

    Rui veilauti dina na nomu vosa
    Qai vei torocake na kemu totoka
    Ko sa vesuka na yaloqu noqu mona
    Au guilecava kece noqu bula e vuravura

    Au solia noqu dina vei iko lewa
    Ko sega ni wilika se bau raica
    Ko sa wiliki au meu vakatawa walega ni ka
    Sa baleti au ga noqu dodomo cala tu

    Au sa qai kidacala ni ko tukuna mai
    Ni ko sa tawa tiko mo vosota ga
    Na noqu tagi sa mai vovorolaki au
    Sa baleti au ga noqu dodomo cala tu

    On Youtube

Leave a Reply to Knox Cancel reply

You can use these HTML tags

<a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>